حلوى السيقار

---

السلام عليكم جميعا واش راكم لاباس 
هذو اليمات راني غير مع الحلويات القديمة نتاع زمان لتربينا عليها بعد حلوة الخطفة جاء الدور على السيقار كنا نحبوه بزاااف زمان ميخطيناش دائما حاضر فالقهوة نتاع العشية راهو إقتصادي ومقاديرو بسيطة وينفع لضيف الغفلة .
علابالي كامل تعرفوه بصح معليش كاين أخوات تودرتلهم الوصفة ولا نساوه وربما كاين لميعرفوش نخليكم مع المقادير طريقة التحضير والصور كالمعتاد




- 2 حبات بيض 
- 5 مغارف كبار سكر عادي 
- 5 مغارف كبار زيت 
- كاس حليب 
- 1 خمارة كميائية 
- فاني - مبشور الليمون - فرينة




طريقة التحضير سهلة جدا في صحن عريض نحط : بيض + فاني+ مبشور الليمون + سكر + زيت + حليب نخلط هذو كامل مع بعض ونلمها بالفرينة والخمارة حتى تولي عجينة طرية نقدرو نشكلوها .
نأخذ شوية من العجينة نحلها ونقطعها أشكال يحبوها الأطفال والكمية المتبقية عملتها سيقار المتعارف عليه 
 ثم نقلوهم بالنسبة للأشكال عملتلهم قلاصاج والسيقار درتلو سكر قلاصي نتمنى يكونو عجبوكم 
وعلى رأي المثل الجديد حبو والقديم ما تفرط فيه 



ملاحضة : راني مضاعفة فالمقادير باه عطاتني هذي الكمية الهائلة 

شكرا

مشكووووووووووووووووووووووووورة

ددددددددددددددددددددددد